Tout bote e kalite eksteryè yon moun genyen lakay li soti dirèkteman nan nanm li. Estil li, manyè li, entelijans li kòmanse ak trankilite ak lapè li kiltive lè li en amoni ak lespwi li.
Lavi espirityèl yon moun mennen defini ekzistans li, lè li kite espwi ki pi fò pase li gide pa li sa ede li rete asure menm nan kalamite ak moman difisil. Chak moun nan lavi sa gen yon lit ki inevitab, si nou pa chache yon api pou ede nou batay nan moman difisil yo nap fè fay kanmenm. Nan lapriyè, nan meditasyon, nan chan, ou nan fwatènite youn ak lòt .. chache alimantasyon pou lespwi nou, pou nanm nou nouri.
Gen yon pakèt sous deyò a ki pwomèt lapè, lajwa ak bonè. Anpil fwa sous sa yo soti nan move espwi degize kap atire nou nan pi gwo pwoblèm demen. Veye e edike konsa nap nouri nanm nou paske domèn espirityèl atire yon pisans ki fò, ke se pozitif ou negativ.
Mwen kwè nan yon pisans divin ki te viv nan mitan mwen, ki konprann mwen. Yon pisans ak tout prèv teyorik ki evalye prezans li. Yon fòs ki pa montre mwen chemen poum fè poum jwenn li, men ki desann e etabli chemen an pou mwen li menm. Mwen devlope yon relasyon ak Jezi Kris ki evoke yon balans nan lavi’m tout antye e mwen swete nan rechèch espirityèl ou, ou chache konn de li.
Edited By Ben Jr. Valy
Comments