Depandans Emosyonèl

Gen yon kondisyon mantal ki nan anpil adil espesyalman lakay nou menm fi ki se depandans emosyonèl. Depandans emosyonèl se yon kondisyon ke nou devlope nan anviwònman nou ki fè nou depann totalman sou lot moun, espesyalman yon menaj, yon madanm, yon mari pou rann nou ere. Se vwe li natirèl pou nou anvi yon patnè, yon moun pou pataje santiman, vi nou. Men si nou pa genyen a pataje nou pa ka atann a resevwa. Li ta pi saj pou kiltive lanmou, la pè, la jwa pou tèt nou anvan ke nou al lage chay la sou yon lòt moun. Dabitid se yon bagay nou kiltive nan fanmi lè nou timoun. Afeksyon, kominikasyon, ak ankourajman yon paran ban nou, ede nou a gen plis konfyans de tèt nou. Men si nou grandi kote nou pa jwenn sa ditou, ou menm kote moun ap minimize nou, fè nou santi nou pa anyen. Nou gen tandans depann sou lòt moun pou valide nou. Depandans emosyonèl retire kapasite pou nou panse, pou nou edike e devlope pwòp tèt nou. Li fè nou toujou ap chache yon patnè ki pou fè valè nou. Dèfwa sa konn mennen tout sòt de abi nan vi nou. Nou aksepte tout move trètman nan yon relasyon paske depandans emosyonèl la di nou reziye nou, nou pa ka fè pi byen ke sa. Oubyen nou kouri rantre nan relasyon yonn dèyè lòt paske nou pa ka viv yon vi selibatè paske pa gen moun ki pou valide nou. Se pi gwo mechanste nou ka fè tèt nou lè nou depann sou moun pou jwa nou. Chak moun nou rankontre nan lavi nan yon lit pou tèt pa li. Moun paka responsab bonè nou, se nou ki pou aprann balanse lavi nou, chache sous bonè nou. Si nou vle direksyon kòmanse sou kreyatè ki kreye nou a, ki konnen tout panse nou, ki li tout kè ou e ki te pran plezi nan chedèv li fòme a. Itilize tout potansyèl li mete nan ou jisko maksmòm. Aprè kole sa ou genyen an avèk yon lòt moun pou nou ka genyen yon relasyon ki balanse, ki byen fonde, ki ka sipòte yonn lòt.